أحبـــك

أحبـــك
+++++++++++++++++++++++++
++++++++++++++++++++++++++
+++++++++++++++++++++
++++++++++++++++
++++++++++
++++++
++
[ Ajouter un commentaire ] [ 5 commentaires ]

# Posté le mardi 27 décembre 2005 15:16

Modifié le vendredi 22 juin 2007 13:29

يا وطن.. بحبك كتير!!

يا وطن.. بحبك كتير!!
يا وطن وصلني تو مكتوبك

بتسألني عن حالي؟

بتسألني عن الغربة؟

بتسأل كيفها أحوالي؟



أفيدك يا وطن إني

ما ناويتش أزيد همك

كنوز الدنيا لا بتسوي

عكارة نقطة من دمك

أعيش جوّال شايل همي

ولا اتسببش في عذابك



وفي الأول

سلاماتي

لكل ترابه على أرضك

لشربة ماي من نيلك

لكل سنبلة في غيطك

سلامي لموجة على شطك

سلامي للون السمرة على خدك



ومن جهتي

أفيدك مختصر يا وطن

بقسوة ليل غربتنا

غريب عن ليلنا في حضانك



وفي الآخر

يا وطن هانت

سنيني في غربتي ولت

وساعة قرب الحبيب هلت

نويت أخبط على بابك

نويت أخف من حملك

راجع لك يا وطن تاني

و برسل لك سلاماتي، تحياتي

بامضائي/ وليدك يا وطن غالي


--------------------------------------------------------------------------------
لو لم أكن مغربيا عربيا .... لتمنيت أن أكون فلسطينيا
[ Ajouter un commentaire ] [ Aucun commentaire ]

# Posté le mardi 27 décembre 2005 14:57

ورقة وقلم

ورقة وقلم
في اللحظة ديه عايز أنا ورقة وقلم

أنقل مشاعري كلها

فرحة دي كانت أو ألم

في اللحظة ديه

*****

أنقل همومي على الورق بين السطور

أنقل حقيقة من جوة صدري

أو أخرج حقيقة الناس من جوة الصدور

في اللحظة ديه

*****

أكتب بقلمي قصتي من الميلاد حتى الممات

أوصف فيها دنيتي

كتير تعيس.. فرحان ساعات

في اللحظة ديه

*****

قلبي من بين ضلوعي انفطر وجه وبان على الورق

هنا هلاقي فرحتي وأرجّع عمري اللي انسرق

في اللحظة ديه

*****

أصرخ وأقول الآه..

أو أقول "الله" بصوت دفين جوه الحروف

أضحك على شيء يبكّي

أو حتى إني أنا أبكي لما يكون الفرح

وتدق الدفوف

في اللحظة ديه

عايز أنا ورقة وقلم
[ Ajouter un commentaire ] [ Aucun commentaire ]

# Posté le mardi 27 décembre 2005 14:52

مولد عرب

مولد عرب
إحنا ليكي يا مصر مهما

عشنا فيكي في ليل وعتمة

هتلاقينا وهنلاقيكي

نرسم الفجر في عنيكي

تشرق الشمس في ديارنا

يبتسم لينا قدرنا

مرة واحدة ناخد قرارنا

مرة واحدة نقول مصيرنا

نفسنا نهاجر لبكرة

حبك أنتي اللي آسرنا

ولا تهنا في خط سيرنا

ولا هي خيوط مؤامرة

ولا مين فينا السبب

نوعدك أن إحنا نبقى

كلنا من اليوم أحبة

وإن بقيتي في ليل وغربة

نبقى ليكي وطن وصحبة

نجمعك وسط الحبايب

نوصل الود اللي غايب

المعاد على أرض الأقصى

مركبك يا مصر ترسى

تلتقي وسط الشقايق

تشعلوا من الشوق حرايق

تعلنوا ثورة غضب

تعلنوا مولد عرب

تعلنوا مولد عرب
[ Ajouter un commentaire ] [ Aucun commentaire ]

# Posté le mardi 27 décembre 2005 14:41

يا أم اليتامى بكيت...

يا أم اليتامى بكيت...
الفه فؤاد انكسر والدمع صار سكة

اللام كلام اتسطر وفتحنا بيه عكا

السين سلام كالمطر أصبح كما البركة

والطين على الروس يغني: الوداع مكة

يا أم اليتامى بكيت والضحك كان صوتي

ومن عذابك شكيت والرد كان موتي

ما تطلبيش مؤنتي ده عدونا واحد

قتلك زرع محنتي خلانا نتباعد

بيني وبينك يا حبيبتي سنين

لو ترجعيها أعيدك

بس فين ترجع

بيني وبينك يا حبيبتي، حزين

ده كل شيء في الحياة

للقلب صار يوجع

أنا جيت في مره أكرهك وقالولي عيب يا ابني

قولت لهم رجعوها قالو لي عيب يا ابني

طول عمرنا حبنا بيهد ما بيبني

ابنك يا أمي وادينا في مهب الريح

سألوني فين سكتك رديت وصوتي صريح

طالع على صخرتي قلبي عليل وجريح

بصيت ورا لسكتي والدم ما ليها

راحت خلاص قصتي والدم ده ليها

سهم المحبة سرح جوه الفؤاد ليها
[ Ajouter un commentaire ] [ Aucun commentaire ]

# Posté le mardi 27 décembre 2005 14:00

Modifié le vendredi 22 juin 2007 09:30